Det var Judith Poppe, Iver Hylen Pedersen og Ingrid Timland Sveen som stilte for arendalittane.
- SJÅ: Alt om Klassequizen
I første kategori trekte trioen «Sport». Her vart dei mellom anna spurt om kven som var den einaste sørlendingen som tok eit individuelt OL-gull i London i sommar.
God start
Her svarte dei Eirik Verås Larsen frå Flekkefjord, som er heilt riktig. Dermed innkasserte laget 3 av 4 poeng i den første kategorien.
I andre kategori stod det «Europa» på lappen som vart trekt. Sørlendingane fekk spørsmål om kva land den internasjonale finalen i Melodi Grand Prix skal arrangerast i neste år. Her svarte laget heilt korrekt. Nemleg Sverige.
Birkenlund fekk 3 av 4 poeng også i den andre kategorien.
Drama-trøbbel
I tredje og siste kategori stokka det seg litt for 10.-klassingane frå Arendal. Kategori var «Drama». Her fekk laget berre 1 av 4 moglege poeng. Trioen svarte mellom anna feil på spørsmål om kva land Hamlet er prins. Dei tre svarte Irland, men riktig svar er Danmark.
Totalt sikra Birkenlund skole seg 7 av 12 poeng i Klassequizen.
Klassequizen er ein landsomfattande konkurranse der kvart fylke har sine innleiande rundar. Dei beste laga frå dei innleiande rundane går vidare til lokale finalar.
Til slutt møtest dei lokale vinnarane i nasjonal finale på TV i mai 2013.
