– Det vert som regel tre gonger i veka. Eg byrjar gjerne i 12-13-tida og trenar i 2-3 timar, seier Edwood Meberg til NRK.no.
- LES OGSÅ: Gamle, men spreke
91-åringen har trent i mange tiår og startar alltid treninga på tredemølla.
– Eg startar på mølla med cirka 15 minutt. Då går eg 1,5 kilometer og brukar cirka hundre kaloriar, seier han.
– Eit førebilete
Han køyrer eit fast program med ti øvingar. Tilsette ved treningssenteret der han trenar er imponert.
– Han er veldig sjølvstendig og er eit førebilete når det gjeld å setje i gang med trening og halde på regelmessig, seier dagleg leiar ved Actic Kristiansand, Kirill Oukhanev.
– Det som er veldig imponerande er at han gjer alt riktig med tanke på teknikk og hastigheit på øvingane. Det er veldig bra, seier han.
- LES OGSÅ: Langrenn kan gjøre gamle spreke
Nye tal frå helsedirektoratet viser at norske menn er blitt tyngre og vesentleg mindre aktive dei siste 15 åra.
Meiner folk er late
– Dersom eg berre hadde site unne hadde eg ikkje komme meg ut. Eg kjenner mange som sit inne i stolen og berre sit der. Det kunne også eg ha gjort, men eg vil ut. Eg vert meir opplagd og meir lystbetont, seier Edwood.
– Kvifor trur du det er så få på din alder som trenar?
– Eg trur det berre er latskap. Eg trur ikkje dei gidd, seier han etter å ha gjennomført dei ti øvingane sine.
- TEST DEG SELV: Finn ditt idrettstalent!
– Det er barnemat dette, sier han.
