– Vi trudde vi hadde gode nok rutinar. Dette må vi ta lærdom av. Vi set no opp straum og evaluerer skikkeleg i etterkant om det er noko vi kan lære, seier dyrepassar Olav Åsland til NRK.
Dyrepassar Olav Åsland.
Foto: Geir Ingar Egeland/NRKDet vart slått full alarm i Kristiansand Dyrepark laurdag ettermiddag då ein av parken sine fem gepardar gjekk gjennom isen.
Det var ein NRK-medarbeidar som varsla dyrepassarane om hendinga. Dei fekk etter kvart eit tau rundt geparden og fekk den til slutt på land.
– Dei gjorde ein kjempejobb, viste handlekraft og hjelpte kvarandre. Vi har prosedyrar når det skjer ting og her fungerte det, seier han.
To dagar etter hendinga er geparden i fin form.
– Han er heldigvis i kjempefin form. Det er vi glade for alle saman. Det er nydeleg å sjå at han er på hogget som han plar vere, seier dyrepassaren.
Det vert no sett opp straumgjerde for å hindre at gepardane igjen skal ta seg ut på isen.
– Vi tek ingen sjansar og set opp eit gjerde for å halde dyra vekk frå isen.
Her har geparden gått gjennom isen.
