– Det er veldig sterkt. Vi leverte ein av våre sterkaste bortekampar i år. Defensivt var vi botnsolide og vi scora mål på over halvparten av sjansane våre. Det var solid i alle ledd, seier Espen Hoff til NRK.no.
- LES: Start knuste Bryne
Nøkkelkampar
Hoff stod sjølv for 2-0 scoringa på Jæren. Med ein ny bortesiger ser det særs lyst ut med tanke på eliteseriespel neste sesong.
– Vi har sett oss sjølve i ein veldig gunstig situasjon. Vi tek ein solid trepoengar, men vi veit at vi treng endå fleire poeng for å vere heilt trygge, seier han.
Neste helg møter Start opprykksrival Mjøndalen heime på Sør Arena. Samstundes møtest Sarpsborg 08 og Sandefjord i Østfold.
– Føler oss gode
– Desse kampane vil avgjere korleis det vil sjå ut i serieinnspurten, seier angrepsspelaren.
Hoff kjenner ikkje noko meir press no enn tidlegare i sesongen.
– Nei, vi er veldig nøgde med det vi har oppnådd så langt og er stinne av sjølvtillit. Vi leiar tabellen og det set oss i ein fin-fin posisjon. Vi føler ikkje press og vi føler oss gode, seier han.
