- Les også: Mørland lei seg for uroen
- Les også: Vi må støtte Rolstad Larsen
Vart vraka av sine eigne
Bakgrunnen for bråket er at Torill Rolstad Larsen vart vraka av valkomiteen i Arendal Arbeiderparti til å bli fylkesordførarkandidat. I staden gjekk lokalpartiet inn for Tellef Inge Mørland frå Åmli. Dette skjedde medan Rolstad Larsen sjølv var i ultandet.
I tillegg har Rolstad Larsen blitt kritisert for dårleg leiarskap. I går kom meldinga om at Rolstad Larsen vurderer å melde seg ut av partiet når ho sluttar som ordførar neste haust.
Men Øygarden trur Rolstad Larsen har autoritet nok til å styre Arendal på ein god måte det neste året.
Glad i byen sin
– Ja, det har ho. No skal du hugse at Torill er i ein vanskeleg situasjon, for ho har heller ikkje noko fleirtal bak seg i bystyret, så ho må vere ein samarbeidsordførar for å nå fram dette året, og det greier ho, seier Øygarden.
- Les også: Vraket av sine egne
- Les også: Sjokkert over vraking
– Eg har sjølv snakka med Torill og veit at ho går på med full innsats for Arendal. Ho er veldig glad i byen sin og kjem til å gjere det beste ut av det, meiner fylkesordføraren.
Det har blitt peika på at det fins ein ukultur i Arendal Arbeiderparti. Det kjenner ikkje Øygarden seg att i.
Ukultur i partiet
– Eg har ikkje opplevd at det er pill roten kultur i Arendal. Men no må eg vedgå at eg ikkje har fått vere der nok. Ofte må eg ta meg av den fylkeskommunale biten og held meg til fylkespartiet. Så eg skal ikkje seie verken ja eller nei, men eg har ikkje oppfatta det, seier ho.
– Eg trur uansett ikkje at det er så mykje ukultur at det ikkje går å rette på. Eg trur at løysinga er å prate saman. Det er alltid fornuftig, seier ho.
– Er Torill Rolstad Larsen ein god ordførar, har ho gjort ein god jobb?
– Du skal ikkje be meg om å kommentere kollegaen min. Det tykkjer eg vert feil. men eg tykkjer at denne gangen kjem det fram berre negative sider, medan alle dei positive sidene som har blitt gjort i Arendal dei siste åra berre blir lagt til side, seier Øygarden.
Støtta Mørland
Sjølv har Øygarden støtta Tellef Inge Mørland som fylkesordførarkandidat.
– Eg følte Torill kom veldig seint på bana. Før ho kom på bana hadde eg gått ut og sagt at eg ikkje såg nokon annan kandidat enn Tellef Inge Mørland, seier ho.
- Les også: Ap kaller inn til ekstraordinært møte
I løpet av dagen vert partisekretær i Arbeiderpartiet, Raymond Johansen, orientert om uroen i Arendal Arbeiderparti. Det vart og halde eit ekstraordinært styremøte i partiet i Arendal. Der skal striden rundt Rolstad Larsen diskuterast.