- LES OGSÅ: Vurderer å melde seg ut av partiet
- LES OGSÅ: Vraket av sine egne
- LES OGSÅ: Sjokkert over vraking
Melde seg ut
Måndag morgon kom det fram at Rolstad Larsen vurderer å melde seg ut av Arbeiderpartiet når ho sluttar som ordførar om eitt år. Ho er blant anna oppgitt over behandlinga ho fekk då ho i førre veke vart vraka som fylkesordførarkandidat medan ho sjølv var i Kina.
– Vi står føre veldig mange viktige og krevjande budsjett. Vi har mange viktige saker og det er viktig at ho beheld autoriteten ut resten av ordførarperioden. Det ynskjer eg at vi skal bidra til alle saman. Då har vi eit ansvar heile bystyret, seier han.
Rolstad Larsen har blant anna fått kritikk for dårleg leiarskap.
– Krevjande
– Ho har kanskje ikkje vore like flink alltid til å ha ryggdekning i eigne rekkjer og halde saman. Eg ser jo at det er veldig krevjande for eit så stort parti. Då kan det hende ein burde ha brukt meir energi, men det er lett for meg å seie, seier vararordføraren.
- LES OGSÅ: Ny Ap-politikar går i Arendal
- LES OGSÅ: Skyttemyr melder seg ut
Tidlegare i dag vart det også klart at Ole Tom Tjuslia melder seg ut av Arbeiderpartiet. Fredag gjorde Tove Skyttemyr det same.
– Er bystyret i ferd med å gå i oppløysing, eller i alle fall Arbeiderpartiet?
– Ja, vi ser jo eit bystyre som det vert krevjande å handtere framover. Vi har som sagt eit ansvar alle saman, alle 39 representantane. Difor oppfordrar eg alle til å gi ordføraren autoriteten ho må ha til å styre denne skuta dei siste ti-elleve månadene, seier han.
Aust-Agder Ap inn i striden
Aust-Agder Arbeiderparti grip no inn i striden rundt ordføraren. Etter det NRK erfarer, vert det no gjennomført møter med partane med sikte på å finne ei løysing på den betente striden.
Men fylkesleiar Inger Løite vil kun seie dette om kva som no skjer.
– Vi er i dialog med Arendal Arbeiderparti for å finne ut av det som skjer, seier ho.
– Det som skjer er frykteleg sørgeleg og leit, det skadar alle involverte. Det kan ikkje komme noko godt ut av dette, seier Løite.
Når det gjeld sjølve nominasjonsprosessen til fylket, som har utløyst striden, meiner ho imidlertid at alt har føregått korrekt.
– Reglane er fulgt, også tidsfristane, slår ho fast.
Støtte frå Høgre-leiar
Gruppeleiar i Høgre i Arendal, Einar Halvorsen, meiner Rolstad Larsen har blitt behandla dårleg. Han likar dårleg medieoppslaga rundt vrakinga av Rolstad Larsen - utan av ho visste noko om vrakinga på førehand.
– Dei siste dagars oppslag viser at ho nærast har blitt latterleggjort av eige parti føre opa scene. Ei så dårleg og lite profesjonell handling skal ein leite lenge etter, skriv han i eit pressemelding.
– Arendal Arbeiderparti kunne ha venta til ho kom heim frå reise, eller i det minste burde nokon i Arendal Arbeiderparti ha signalisert at ho ville komme til å bli ein kontroversiell kandiat, når partiet skulle utarbeide førslag til nominasjonsliste til fylkestinget, skriv han.
Han meiner kritikkken som har blitt retta mot Rolstad Larsen er merkeleg.
«Skjult agenda»
– Her er det openbart noko anna som ligg bak eller som ho sjølv seier det «her er det nokon som har ein skjult agenda», skriv Halvorsen.
Men han er ikkje overraska over situasjonen i Arendal Arbeiderparti.
– Eg har opplevd ei bystyregruppe som til dei grader har gjort arbeidsforholda vanskeleg for sin eigen ordførar. I staden for å støtte opp om sin lovleg valde ordførar har ho heller blitt motarbeida av si eiga gruppe, skriv
– I mange samanhengar hadde eg ønskt ei betre gruppe for henne å jobbe saman med. Ho har mange fine eigenskapar, skriv han.
– Arendal Arbeiderparti er den største gruppa i Arendal Bystyre, og burde vist større leiarskap og samhald, men den rolla verkar å vere heilt fråverande, legg Halvorsen til.