– Det blir ein tøff test for oss. Vi får sjå korleis vi ligg an i forhold til dei beste, seier Vipers-spelar Marta Tomac til NRK.
Gunnar Pettersen sitt lag toppar eliteserietabellen før møtet med Glassverket.
Foto: Teigen, Trond Reidar / NTB scanpixSørlendingane toppar eliteserietabellen etter dei tre første serierundene.
Der har dei slått Molde, Rælingen og Sola. Alle dei tre laga rykte opp frå 1. divisjon førre sesong.
Ventar ein krigekamp
– Vi møter eit betre lag enn vi har gjort i dei tre første kampane. Eg trur det blir ein tøff kamp med kriging på bana, seier den tidlegare Byåsen-spelaren.
Glassverket har vunne to av sine tre første kampar. Dei tapte nemleg mot Tertnes i Bergen.
I førre serierunde knuste dei Byåsen 29-18 på heimebane.
– Forhåpentlegvis tek vi to poeng, men det blir tøft, seier Tomac.
Håpar på fullt hus
Også Glassverket-trenar Kenneth Gabrielsen ventar kamp om poenga i Aquarama.
– Vi reiser til ein av dei absolutt tøffaste kampane vi har denne sesongen, seier han til klubben si nettside.
No håpar Marta Tomac at publikum finn vegen til Aquarama torsdag kveld.
– Det betyr så mykje for oss at folk møter opp. Eg trur det hjelper oss til å gjere ein god kamp, seier ho.
Kampen startar klokka 19 torsdag.
