– Vi har akkurat bestemt at fuglane blir avliva. Det er dessverre ingen annan måte å lyse dette på, seier kommunikasjonsrådgjevar i Mattilsynet, Hege Robberstad til NRK.
Ein 52 år gammal mann frå Rogaland hadde med seg fuglane i bilen då han køyrde i land i Kristiansand onsdag morgon.
Mannen har erkjent å ha smugla fuglane og vil truleg få ei bot.
– Då vi sjekka bagasjen høyrde vi etter kvart fuglekvitter, og då kom det fram seks fuglebur med til saman 67 fuglar, sa kontorsjef Helge Breilid i Tollregion Sør.
Kanarifuglar, diamantduer, vaktlar og ein for tollvesenet ukjent fuglerase blei funnen i bagasjen til mannen.
– Mannen som vart stoppa i tollen kunne ikkje vise til verken løyve til å importere fuglane. Han kunne heller ikkje vise helsesertifikat på fuglane. Dermed veit vi ikkje noko om fuglane ber smitte eller ikkje, seier seniorinspektør i Mattilsynet Robert Ilievski til NRK.
Ilievski forklarer at fuglane vert avliva så raskt det let seg gjere praktisk. Fuglane vert avliva med bedøving.
Den 52 år gamle mannen er sett fri etter avhøyr onsdag.