Statens vegvesen skriv i ei pressemelding at dei tilrår ein lang tunnel forbi Vadheim som den beste framtidige E39-trasèen frå Bogstunnelen til grensa til Gaular kommune.
Tunnelen på 4,2 kilometer vil då gå frå Bogen til Ytredalen med tilknyting til Vadheim i begge endar. Frå Ytredalen vil E39 halde fram i til grensa mellom Høyanger og Gaular kommune.
- Les også:
- Les også:
Trygg og rask E39
Planleggingsleiar Ellen Njøs Slinde i Statens vegvesen seier at dette alternativet vil gjere E39 tryggare og raskare.
– Vi får god tilknyting til fylkesveg 55 og 93 og til Vadheim. Dette alternativet tilfredsstiller målet om å redusere transportkostnader og reisetida på E39, som eit ledd i eit effektivt Nord-sørsamband på Vestlandet, seier ho i ei pressemelding.
Alternativet som er valt gir ei kort dagsone i Bogen med ein parallell gang- og sykkelveg og av- og påkøyringsramper for dei som skal til og frå Vadheim.
(Artikkelen held fram under biletet)
BESTE ALTERNATIV: Dette alternativet ser vegvesenet som det beste for framtidig E39 frå Bogstunnelen til Gaulargrensa.
Foto: Statens vegvesen- Les også:
- Les også:
150 millionar kroner dyrare
Rampa med trafikken som går nordover vil gå om lag der E39 er i dag, medan rampa med sørgåande trafikk vert lagt i ein tunnel under det som vert ny E39.
I Ytredalen er det planlagt eit t-kryss som koplar seg på eksisterande E39. Eit alternativ med rampar i Bogen er 150 millionar kroner dyrare enn alternativet med berre kryss i Ytredalen. Vegvesenet tilrår likevel dette alternativet.
Statens vegvesen har no sendt ut forslaget på høyring i samband med Høyanger kommune sin kommunedelplan. Det vil også bli arrangert informasjonsmøte i Vadheim i samband med E39-planane.
Det har ikkje lukkast NRK å få ein kommentar frå ordførar i Høyanger Petter Sortland.