Vinterferien starta med finvêr i helga, men kraftig nedbør siste døgnet byr på trøbbel i fjella og på rasutsette strekningar.
Det er meldt om lokalt mykje nedbør. I fjella er det venta snø over 700 meter. og litt seinare på dagen over 1000 meter.
Siste: Flåmsbana er førebels innstilt på grunn av vanskelege vêrforhold. Passasjerane blir inntil vidare køyrt med buss, opplyser NSB.
Stengde vegar og kolonnekøyring
Rv. 52 over Hemsedalsfjellet har tidlegare i dag hatt kolonnekøyring på grunn av uvêr. No er vegen opna att for trafikk.
På E16 over Filefjell er det snø- og isdekke og redusert sikt enkelte plassar. Her kan det bli innført kolonnekøyring på kort varsel. Her vert store køyretøy oppmode om å bruke kjetting.
Rv. 13 over Vikafjellet er stengt på grunn av fare for ras. Vegmeldingssentralen opplyser at vegen ikkje vert opna i dag.
Rv. 15 over Strynefjellet mellom Billingen bom og Ospeli er det no opent etter å ha vore kolonnekøyring på grunn av uvêr.
Fv. 50 mellom Hol og Aurland er stengt på grunn av uvêret. Her er bommen stengt ved Øyestøl i vest til Myrland i aust.
Fv. 53 mellom Tyin og Årdal er stengt på grunn av uvêr.
Fv. 55 Esefjorden er stengt på strekninga Balestrand-Dragsvik på grunn av fare for ras. Vegen vert ikkje opna i dag. Ferja går ifrå Balestrand i staden for Dragsvik.
Fv. 152 mellom Ulvastad og Menes i Balestrand er stengt på grunn av fare for ras. Her blir det ikkje opna i dag.
Også Fv. 337 på strekninga mellom Hafslo og Veitastrond er stengt på grunn av rasfare. Det vert ikkje opna att her i dag.
Fv 241 mellom Gudvangen og Bakka er mellombels stengt på grunn av snøras og fare for ras. Vegen vert ikkje opna i dag.
- Les også: