Avisa Bergens Tidende skriv at faginstansar er usamde, men at kommunen likevel seier ja til det modernistiske prestisjebygget.
Det er ein høyringsrunde som har avslørt store skilnader i meiningane om bygget. Fylkeskommunen likar planane, medan Fylkesmannen og Naturvernforbundet er kritiske til at eit stort betongbygget skal byggjast i det opne landskapet.
- LES OGSÅ;
- LES OGSÅ:
Krev ikkje motsegn
Fylkesmiljøvernsjef Nils Erling Yndesdal er skeptisk og spør om det trekanta betongflaket er i tråd med europeisk landskapskonvensjonen som Norge har slutta seg til. Fylkesmannen vil likevel ikkje fremje motsegn i saka.
Bygget blir ein del av Statens vegvesen sitt prosjekt på Nasjonale Turistvegar.
- LES OGSÅ:
Positiv ordførar
I Aurland har utsiktspunktet Stegastein fått mykje positiv merksemd, og no håper Balestrand-ordførar Einar Målsnes at også kommunen hans kan få noko tilsvarande.
– Eg er svært positiv til at vi skal få ein liknande attraksjon, seier han til avisa.
No er det opp til politikarane i Balestrand om dei vil at prosjektet skal realiserast. Det skal skje på kommunestyremøtet 15. september.
UTSIKTEN: Dei som stoppar på toppen, kan nyte denne utsikten mot hårnålssvingane.
Foto: Merete Husmo Høidal / NRK