– Eg trur heilt klart vi kan slå fast at ingen andre vegprosjekt skapar større engasjement enn traseval for E-39 gjennom Sogn og Fjordane. Det er fascinerande, seier statssekretær i Samferdsledepartementet, John-Ragnar Aarset frå Høgre.
Det store spørsmålet om kvar framtidige E 39 skal gjennom fylket har skapt store politiske debattar med høg temperatur. Om vegen skal gå gjennom Stryn eller Eid har splitta politiske parti og bygdelag. Alle ventar i spaning på avgjerd i den betente saka.
– Det store engasjementet skjerpar oss. Når ein ser kor mykje som står på spel for dei dette handlar om, så stiller det store krav til oss om at vi fattar best mogleg avgjerd, seier statssekretæren.
- LES OGSÅ:
- LES OGSÅ:
Ein konkret dato eller nærare informasjon om kor tid den endelege avgjerda som alle ventar på kjem, vil han ikkje ut med.
– I løpet av våren, svarar han kort på spørsmål om kor tid ventetida er over.
- LES OGSÅ:
- LES OGSÅ:
Samferdselstiltak viktig for folk sine framtidsutsikter
Han seier at folk i heile landet er veldig opptekne av sine vegprosjekt, flyplassar, jernbaner og ferjetilbod, men at ingen prosjekt er i nærleiken av å skape like stort engasjement som E-39.
– Det fortel meg at samferdsle er utruleg viktig for alle. Særleg i distrikta så handlar det om framtidsoptimisme, at ein skal ha ein stad å bu, skape ei framtid, drive næringsverksemd og skape arbeidsplassar. Samferdsle er det aller viktigaste regionale og distriktspolitiske instrumentet vi har, og det folkelege engasjementet er beviset på det, seier Aarset.