Meir enn 5000 asylsøkarar bur i mottaka, sjølv om dei veit at dei har fått endeleg avslag og beskjed om å reise ut av landet. Direktør Frode Forfang i UDI seier dette gir grunn til uro.
– Det er ein ganske alvorleg situasjon at faktisk nesten kvar tredje som bur i asylmottaka er personar som har fått ferdighandsama saka si og er klare for å reise ut av landet.
- LES OGSÅ:
- LES OGSÅ:
- LES OGSÅ:
Anundsen: Det må gå fortare
I går måtte Forfang svare på kvifor asylsøkjaren som er sikta for trippeldrapet på Valdresekspressen var i Årdal i staden for å ha blitt send til Spania, som hadde ansvaret for å handsame asylsøknaden hans.
Justisminister Anders Anundsen (Frp) sa han meiner det må gå fortare å få dei som har fått avslag ut av landet.
– Vi har ei stor mengde tidlegare asylsøkjarar som sit på mottak og ventar på uttransportering. Vi burde ha fått mange av dei raskare uttransporterte.
Kunne vore send ut i august
Det er Politiets Utlendingseining - PU - som skal transportere ut asylsøkjarar som har fått endeleg avslag. 30-åringen frå Sør-Sudan kom til Norge i april. I slutten av juli var det ingen hindringar att for at han kunne sendast til Spania der han først søkte asyl.
Tek ikkje sjølvkritikk
I staden vart 30-åringen send til det nyoppretta Årdal mottakssenter. I går var dagen då politiet skulle sende han ut av landet. Kristin Ottesen Kvigne er sjef for PU, og ho tek ikkje sjølvkritikk for at det ikkje skjedde før.
– Eg meiner vi held det tempoet som vi har forplikta oss til i forhold til våre løyvande styremakter, og vel så det.