Serien hadde premiere i julemorgen på NRK Super. Så langt er 14 episoder laga, men no skal det lagast ein ny sesong av den populære serien.
- LES OG:
Handlar om å vekse opp
NRK Sogn og Fjordane ønskjer difor å kome i kontakt med ungar i alderen 4-8 år som kunne tenke seg å vere med i serien som skal gå på Barne-tv. Klart eg kan handlar om det å vekse opp, og alt det modige ungar må gjere for første gong.
Gjere ting for første gong
– Vi ønskjer kontakt med ungar som skal prøve noko dei er spente på for første gong, eller som driv med noko som er like spennande kvar gong dei prøver, seier Eva Westvik som er ansvarleg for serien i NRK.
I 'Klart eg kan' følger vi blant andre Mathilde som har lyst på hol i øyrene.
Foto: NRKLeiter etter vanlege historier
Skaparane av serien leitar etter historiar som å lære seg å sykle, lære seg å svømme, å trekke ei tann hjå tannlegen, sove ute midt på vinteren eller å overnatte hjå ein venn for første gong. Men det kan like gjerne vere heilt andre historier.
Ta kontakt om du har tips
Felles for historiene i Klart eg kan, er at ungane skal gjennom ein prosess der noko står på spel for dei. Dersom du veit om ein unge eller har ein god ide, er det flott om du fortel det til Eva Westvik på epostadressa eva.westvik@nrk.no.
Klart eg kan - musikkvideo
