Det var i 2002 at kvinna skal ha blitt oppsøkt i heimen sin i Gloppen og truga av dei to torpedoane. Dei to som no står tiltalt skal vere heimehøyrande i Hordaland.
Politiet ser strengt på at dei to hadde med seg pistol og kom med trugslar som i følgje tiltalebeslutninga var skikka til å framkalle alvorleg frykt.
Fann dop
Politiet gjennomførte i etterkant av hendinga i Gloppen ei ransaking heime hjå dei to tiltalte. Her kverrsette dei metaamfetamin og rohypnoltablettar. Dei to står og tiltalt for fleire andre kriminelle forhold i samband med narkotika. Det sentrale i tiltalen er likevel trugsmålet.
Politijurist Rune Stenstrøm seier at strafferamma for trugsmålet aleine er på tre år. Saka skal opp i retten om to veker.