Den store, vesle prinsen av Fosshaugane

Petter Strand krona ein magisk vårsesong for Sogndal: Bergensaren senka Brann, med ei perle av det uvanleg vakre slaget.

Petter Strand

SLO TIL: Petter Strand synte kva han var god for då Sogndal møtte Brann til dyst.

Foto: Snæland, Alf Vidar / NTB scanpix

– Det går ikkje an å skildra den kjensla. Eg har gjort det same på trening, så det var berre å smella til, seier ein beskjeden Petter Strand etter kampen.

Skåringa var av det sjeldne slaget: Frå hjørnet av Brann sin sekstenmeter klinka 19-åringen til.

Ballen steig og steig til han enda i krysset bak den elles så glitrande brannkeeperen Øystein Øvretveit.

Laster innhold, vennligst vent..

Ikkje fanga opp på Brann-radaren

Petter Strand var ukjent for dei fleste då han banka på døra til Sogndal i vinter. I kveld fullenda han ein så langt framifrå debutsesong i eliteserien med den avgjerande 2-1-skåringa i årets storkamp på Fosshaugane, sjølvaste vestlandsderbyet mot Brann.

På spørsmål om tenåringen frå Morvik, som er Brann sin eigen bakgard, kjenner seg oversett av storklubben i Bergen, svarar han diplomatisk:

– Det er mange talent i Bergen, så det er ikkje lett å fanga opp alle. Då er det greitt at Sogndal er flinke til å sjå gode, unge spelarar.

(Artikkelen held fram under videoen)

Created by InfoDispatcher

SMÅLÅTEN: Petter Strand var glad for sigeren over Brann.

Brann: – Ein bra spelar

Brann-trenar Rikard Norling har merka seg den bergenske midtbaneeleganten til Sogndal:

– Han er ein bra spelar.

– Kunne du tenkt deg å ha hatt han i Brann?

– No spelar han i Sogndal, så eg vil ikkje fornærma nokon. Eg berre konstaterer at han er veldig dyktig.

– Kva tykkjer du om at talentspeidarane i Brann ikkje har fanga han opp?

– Eg må vera varsam med kva eg seier om det. Det kjem fram mange gode spelarar frå Bergen. Og iblant blomstrar dei opp i klubbar utanfor byen, slik Strand har gjort, seier Norling.

(Artikkelen held fram under videoen)

Created by InfoDispatcher

LA MERKE TIL: Brann-trenar Rikard Norling merka seg Petter Strand under kampen.

– Bør på U21-landslaget

Sogndal-kaptein Rune Bolseth tek fram dei store superlativa når han skal karakterisera den store, vesle midtbanemakkeren sin.

– Det han har gjort for oss i vår, er heilt fantastisk. At han har teke steget frå 3. divisjon til eliteserien på så kort tid, er ufatteleg imponerande. Han viser fram nye, gode sider heile tida, som skåringa i dag. Viss han ikkje kjem seg inn på U21-landslaget rimeleg kjapt, forstår eg ingenting, seier Bolseth.

Sjølv har ikkje Strand fundert så mykje på landslagsspel.

– Om eg blir kalla inn, er det gøy, men eg tenkjer ikkje på det no.

Hans eiga forklaring på suksessen i Sogndal er like upretensiøs, som karen er sjølv:

– Eg elskar fotball og har berre spelt slik eg har gjort tidlegare, hatt det gøy, og det ser ut til å fungera bra, det, seier Strand.

Created by InfoDispatcher
Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.