NRK Meny
Normal

Storeslem av Erdal i NM

Familien Erdal frå Førde gjorde storeslem i NM i Skogsløp i Målselv.

Ole Martin og Karoline Erdal

TO NM-VINNARAR: Søskena Ole Martin og Karoline Erdal vann begge NM-tittel i dag.

Foto: Jørn Njøs

Karoline Erdal vann kvinneklassa, medan bror Ole Martin Erdal slo knockout på konkurrentane i herreklassa.

Sistnemnde skjønte raskt at det gjekk mot ein ny NM-tittel.

– Det var brukbart i dag. Kroppen fungerte og utgangspunktet var bra etter skytinga måndag. Det var berre å køyre på, seier ein nøgd vinnar.

– Korleis var løpet?

– Eg hadde eitt minutt i tillegg, så det var nokon føre meg med fullt hus. Men eg tok dei fort att.

Dette er ikkje første gong han vinn skogsløpet i NM i seniorklassen.

– Eg trur det er fjerde eller femte gong. Det har blitt nokre gonger, for eg presterer best i feltskyting. Både skytinga og den fysiske forma er god.

Ole Martin tykkjer det er stas at søstera vann kvinneklassen.

– Det er kult at ho også spring og skyt bra, seier han.

Ei nøgd Karoline Erdal seier det er artig å vinne NM, men at det var eit hardt løp.

– På andre runden fekk eg sting i sida, så eg hadde mest lyst å gå. Men det var nokon bak som sprang veldig fort, difor måtte halde opp trykket.

No skal ho bruke nokre timar til å lade opp til prinsesseskytinga i ettermiddag.

– Eg skal slappe av og ete litt, seier ho.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.