– Onsdag og torsdag ser eigentleg ganske lovande ut, og det kan bli ganske bra vêr dei to dagane, avslører statsmeteorolog Halldis Berge ved Vêrvarslinga på Vestlandet.
Og ei slik melding frå nok mange Sogn og Fjordingar til å smile. Etter ein heller dårleg sommar er det ikkje tvil om at både store og små vil ha mest mogleg sol før den kalde og mørke hausten kjem snikande.
- Les også:
Først meir regn ...
Men før sola kjem på onsdag må vil tole litt meir regn.
– Bygevêret som vi har no vil halde fram iallfall ut måndag. Tysdagen er litt meir usikker enno. Det kan hende ein går klar bygevêret i Sogn og Fjordane då det enno er litt uklart kor langt nord bygevêret går på tysdag, seier Berge.
I midten av august var fylket bada i sol i ein lengre periode. Fleire dagar var temperaturane over 25 grader mange stader.
Det kan nærme seg 20 grader
Onsdag og torsdag har vi bikka over i den første haustmånaden, og Berge kan ikkje love like varme dagar som vi hadde då.
– Men vi kan nok få ein 18–19 grader iallfall, så det blir ganske greie dagar, seier ho.
Desse to dagane er det meldt opphaldsvêr og sol både på kysten og i indre strok, der temperaturane på kysten vil vere litt lågare enn i innlandet. Mange vil nok krysse fingrane for at finvêret varar lenger enn to dagar.
– Det er litt usikkert når vi kjem fram mot neste helg, men fredagen kan også bli bra, er det einaste meteorologen kan fortelje no.
- Les også: