NRK Meny

Bokbåten er vedtatt lagt ned

Bokbåten Epos er vedteken lagt ned. Det bestemte fylkestinget i dag. I over 50 år har båten vore eit omreisande bibliotek for kystfolk.

Bokbåten Epos

SLUTT: Det er slutt for bokbåten Epos etter 50 år i drift.

Foto: Maria Svåsand / NRK

Artikkelen er mer enn to år gammel.

Under fylkestinget onsdag var det berre Venstre sine tre representantar og Frank Willy Djuvik (Frp) som røysta for å behalde drifta av bokbåten. Dei var villige til å legge 1,3 millionar på bordet for å redde den nok eit år.

Prega politikarar

Trude Brosvik frå KRF har vore ein forkjempar for å behalde bokbåten. Men under fylkesutvalet tidlegare i desember, såg ho inga anna råd enn å seie nei til at bokbåten skulle få segle vidare.

Frå talarstolen under fylkestinget i dag, var Brosvik tydeleg prega av å måtte røyste for å legge ned eit tilbod som partiet har programfesta å støtte.

– Dette har vore ei sak med tårer og krokodilletårer.

I over 51 år har båten segla innom krikar og krokar i Sogn og Fjordane, Hordaland og Møre og Romsdal. I tillegg til å vere eit bibliotek har innbyggjarar i grisgrendte strøk også fått tilbod om andre kulturelle opplevingar om bord i båten.

Fylkeskommunen må kutte

Sogn og Fjordane fylkeskommune står overfor store kutt, opp mot 120 millionar kroner, difor har partia sett seg nøydde til å kutte drifta ved bokbåten.

Dette gjev fylkeskommunen ei innsparing på vel 1,3 millionar kroner.

Det er ikkje første gong framtida til båten har hange i ein tynn tråd. Fleire gonger i sitt 51 år lange liv har båten vore truga av nedlegging.

Brosvik avslutta innlegget frå talarstolen med å uttrykke håp.

– Det er jo dei av oss som trur på oppstandelsen, sa ho og smilte.

Navnestrid i Sunnfjord
2200 villrein i Nordfjell skal avlivast, men jegerane er ikkje nøgde. 
   
Dab-dekning i tunnelar