Etter lova skal barnevernet undersøkje ei sak innan tre månader. Men mange kommunar klarar ikkje å tilby hjelp innan dei gitte tidsfristane. Dette er ein av konklusjonane i årsrapporten frå Fylkesmannen om barnevernet i fylket.
Dei vil no følgje kommunane endå tettare for å hindre at fleire born blir ståande utan hjelp dei har krav på.
– Vi aksepterer ikkje fristbrot i det heile teke, seier rådgjevar for barnevernsområdet, Line Hélen Pedersen Døsen.
- LES OGSÅ:
- LES OGSÅ:
Mange «unnskyldningar»
Ho fortel at det no er fleire kommunar som blir følgde tett og frå Fylkesmannen si side. For sjølv om kommunane verkar å ta problema på alvor, får dei det ikkje til.
Mangel på personale, sjukemeldingar blant dei tilsette og dårleg kommuneøkonomi er argument Fylkesmannen blir møtt med når dei er i kontakt med kommunane om fristbrot i barnevernet.
– Utfordringa vår er å hjelpe kommunane slik at dei ikkje hamnar i denne situasjonen, seier Pedersen Døsen og legg til:
– Det er gjennomgåande nokre kommunar som har fristbrot. Det er samtidig vanskeleg å gje ein lik konklusjon for alle, fordi det er forskjellige årsaker som fører til desse fristbrota.
- LES OGSÅ:
- LES OGSÅ:
Kan få bøter
Dersom ikkje kommunane klarer å følgje opp dei lovane og reglane som gjeld, kan dei i verste fall bli bøtelagde. Til no har det ikkje vore nødvendig.
Pedersen Døsen meiner kommunane tek dette på alvor. For å hjelpe kommunane har dei mellom anna løvyd pengar til oppretting av stillingar i barnevernet.
- LES OGSÅ:
- LES OGSÅ: