For andre gong vart den viktige merkedagen i kristen tru markert av munkane som er knytt til det gamle klosteret på øya Selje.
– 19. januar er datoen for då Jesus vart døypt av Johannes i elva Jordan, seier munk Nidaros.
- Les også:
Etter den ortodokse tradisjonen blir det markert ved å dykke i vatn for å hente opp kors.
– Det er ei velsigning for alle som deltek, men særleg for den personen som først når korset, seier munk Nidaros
Munkane, som er knytte til det gamle klosteret på øya Selja, starta med «vinterbad» i fjor, men tradisjonen er over 2000 år gamal.
Mange besøkande
Klosteret i Selje vart etablert til ære for St. Sunniva. Den vakre kongsdottera som rømde frå Irland og til slutt hamna på øya Selja der ho døydde. Olav Tryggvason var den første som bygde kyrkje til minne om St. Sunniva.
- Les også:
Når Jesu dåp vert markert i Selje skjer det med gjester frå fjern og nær. Ortodokst kristne frå Russland, Hellas, Italia, Island og USA har funne vegen til Selje denne dagen.
– Dette er ein av dei største fest- og heilagdagane i kyrkja. Vi feirar Kristi dåp og dagen då Gud openberra kven Kristus er, seier abedisse Thavoria.