Det skriv Finansavisen. Erling Sande har site på Stortinget for Senterpartiet sidan 2005. Han har vore leiar i energi- og miljøkomiteen frå 2009. No gir han seg med rikspolitikken for å få meir tid heime i Gloppen med kona og borna.
Til Finansavisen seier han at rundane med grøne sertifikat er det som irriterer han mest. Dei som bygde ut fornybar energi i perioden 2004–2009 falt mellom to stolar fordi saka drog ut.
– Dette er dels sjølvkritikk og dels kritikk av oss alle i Sp. Men eg meiner også at enkelte organisasjonar ikkje har vore konstruktive når det gjeld utbygging av ny, fornybar energi, seier han til avisa.
- LES OGSÅ:
Han meiner at mange sausar saman klima og naturvern og kallar alt miljøvern. Sande seier han har blitt kalla eit miljøsvin sjølv om han dei siste åra har jobba for å skaffe landet meir energi.
– Mi erfaring er at deler av miljøbevegelsen faktisk ikkje ønskjer fornybar energi, seier han.
- LES OGSÅ: