Sa ja til store planar

Solund kommune har sagt ja til planane om å byggje eit landbasert oppdrettsanlegg på øya Losna, skriv BA. Det er i dag fire fastbuande på øya, og planane kan bety 80 nye arbeidsplassar. Anlegget blir eitt av dei største av sitt slag, der planen er å sprenge seg ned i fjellet for å lage eit basseng med plass til kring 28 merdar. – Planane kan bety viktige arbeidsplassar for oss, seier Solund-ordførar Gunn Åmdal Mongstad.