Fylkesbenken sitt klare førsteval, Anne Beathe Tvinnereim, vart derimot vald til andre nestleiar under partiet sitt ekstraordinære landsmøte.
Tidlegare på dagen vart Trygve Slagsvold Vedum vald til Liv Signe Navarsete sin etterfølgjar som partileiar.
- LES OGSÅ: Letta over at «gjørmebadet» er over
– Eg har arbeidd veldig aktivt for ei anna løysing, så er det slik at eg alltid vil stille meg bak den leiinga som partiet sitt landsmøte vel. Eg vil ynskje alle dei lukke til i eit viktig arbeid for Senterpartiet framover, seier Steinar Ness etter nestleiarvalet.
– Set strek over debatt
Den tidlegare partisekretæren frå Viksdalen i Gaular
då han i mars mellom anna skulda Ivar Vigdenes i Trøndelag for å ha ei .- LES OGSÅ:
No er Ness glad for å setje strek over ei turbulent tid for partiet.
– I dag føler eg litt tomheit, men også samstundes lette for at det er sett strek for den debatten. No må vi gå vidare som parti ut frå dei vedtak som landsmøtet har fatta, seier Ness.
(Artikkelen held fram under biletet)
– Støttar opp
– Eg tykkjer debattane har blitt gjennomførte på ein ryddig måte og i ein god tone, legg Ness til.
Den førebels siste store striden stod nemleg om nestleiarvervet, der Ola Borten Moe vann med 160 røyster mot Tvinnereim sine 142. Sjølv om fylkesbenken tapte nestleiarkampen, godtek dei det demokratiske valet som landsmøtet gjorde.
- LES OGSÅ: Borten Moe har eit veldig press på seg
Tvinnereim var også valkomiteen sin favoritt, med seks mot fire røyster.
- LES OGSÅ:
– Vi hadde ynskt oss Anne Beathe. Utover det må vi respektere det fleirtalet i partiet har bestemt, seier fylkesleiar i Senterpartiet, Karen Marie Hjelmeseter, etter valet.
Takka Ness
Då Navarsete overrekte partileiarklubba til Trygve Slagsvold Vedum på måndag, takka ho også nemnde Ness, Anne Enger og Magnhild Meltveit Kleppa personleg frå talarstolen.
- LES OGSÅ: Hadde bilete av Anne Enger på veggen
Ness meiner Navarsete sitt ettermæle som partileiar avheng mykje av kva som skjer i partiet framover, mellom anna ved Stortingsvalet 2017.
– Så håpar eg ho tek det med ro og syter for at ho blir heilt frisk, så er eg overtydd om at ho kan vere med å gjere ein stor jobb for Senterpartiet både i Sogn og Fjordane og på landsplan, seier Ness.