- Eg høyrde det buldra utanfor huset. Då kom det nedover. Stein og vatn og skog i store mengder. Eg var redd at huset ikkje skulle halde, men det gjorde det heldigvis, seier Harald Steiro.
- Eg var ikkje høg i hatten. Kjellardøra er sprengt inn, og det same med to vindauge, så gjørma har kome inn i huset, seier han.
Hustandane mellom Mindresunde og Hjelledalen i Stryn er utan straum som fylgje av raset på RV 15 ved Berstad. Stryn Energi As er no ute for å kartleggje feilen fortel, Kjetil Flo ved kraftselskapet. Det vil truleg ta ei stund før straumen kjem attende, seier han.