Politiet fekk melding om hendinga ved 12.30-tida, og naudetatane rykka ut.
– Det er ein traktor og ein personbil som har kollidert, seier operasjonsleiar Terje Magnussen ved Vest politidistrikt.
Innsatsleiar Synnøve Domben seier at uhellet skjedde då traktoren kryssa vegbana.
– Traktoren blei då påkøyrd bakfrå. Ein førar er køyrd til legevakt for sjekk, men det er ingen grunn til å tru at det er store personskadar. Det er ikkje mistanke om promille, seier ho.
Køyretøya stod ute av vegen etter kollisjonen, men det var ein kort periode manuell dirigering på staden.
