Oddgeir Igland har høgast inntekt av næringslivstoppane i Sogn og Fjordane, med ei skattbar inntekt på over 6,2 millionar kroner. Nummer to på lista er partnaren hans i INC-gruppen, Per Arvid Nødseth med over 2,5 millionar kroner.
Dei to har i 25 år drive INC-gruppen, som mellom anna er ei av dei viktigaste forsyningsbasane for oljeindustrien langs kysten. I tillegg har dei også spesialisert seg på industrivedlikehald.
Etter dei to vedlikehaldsgrunderane frå Florø er det IT og bankverksemd som har løna seg for næringslivstoppane.
Administrerande direktør, Johnny Haugsbakk i Elis AS i Fjaler har ei skattbar inntekt på 1,6 millionar. Det same har Arvid Andenæs som er administrerande direktør i Sparebanken Sogn og Fjordane.
Sjå heile lista over næringslivstoppar i Sogn og Fjordane under.