Det er ikkje like stort hysteri kring skattelistene hjå verken finnar, islendingar eller svenskar. Opplysingar om naboens inntekt eller kjendisar si formue er ikkje like lett tilgjengeleg som i Noreg.
- LES OGSÅ: Alt om skatten i Sogn og Fjordane
Overraska over norsk praksis
Johan Bengtsson er ein av mange svenskar som har busett seg i Noreg. Sjølv hugsar han godt reaksjonen då han fyrst oppdaga den norske måten å offentleggjere skattelistene på.
– Eg vart overraska over kor stor plass skattelistene fekk i media det fyrste året eg kom hit. I Sverige vert det nokre gonger sett søkjelys på dei som har gjort store økonomiske lovbrot, men for det meste er det kjendisar som vert dregne fram.
- LES OGSÅ: Har du lyst å snoke på naboen?
Snokar i smug
Sjølv om skattelistene er opne for alle trur Bengtsson kanskje at mange skammar seg litt over «snokinga» på listene.
– Eg trur nok mange er innom i smug, og eg har kanskje vore det sjølv også ein og annan gong.
(Artikkelen held fram under biletet)
Då Bengtsson flytta til Noreg tykte han norsk media heldt høg etisk standard i forhold til svenske medier, men med eitt unntak: skattelistene.
– Det har kanskje med tradisjon å gjere. I Noreg kan likninga til kven som helst kome i avisa og de har ein lang tradisjon med offentlege skattelister.
Ynskjer mindre tilgang
Bengtsson tykkjer det er positivt at skattelistene er offentlege, men meiner det er altfor lett å få tak i informasjonen.
– Det burde ikkje vere fullt så lett å søke i skattelistene på internett som det er i dag.