Lysekloster – Florø SK 1-3, 2. div. avd. 3:
Toppscorar Endre Kupen fekk seg ein solid smell i kneet i bortekampen på Os, men alt tyder på at Florø si målmaskin er tilbake alt i neste runde.
– Han blei nok litt hemma etter at han gjekk i bakken, men det var nok "berre" ein smell, heldigvis, seier Florø-trenar Terje Rognsø til NRK.
Endre Kupen skreiv seg ikkje inn på scoringslista i kampen mot Lysekloster, det gjorde derimot Erlend Hove (2) og Rasha Mohammed (1).
– Dette var ein tøff bortekamp, og var slett ikkje noko vi tok enkelt på. Eg er mest nøgd med at vi gjennomfører kampen på ein proff måte, slår Rognsø fast.
- Les også:
- Les også:
Stefan Aase måtte stå over kampen mot Lysekloster, men Rognsø satsar på at både han og Endre Kupen kjem sterkt tilbake til kampen mot Fana komande helg.
– Det er Fana eg tenker på no, og at vi i dag klarer å score på det vi har øvd på, seier Terje Rognsø på telefon frå Os.
For Fana glimta også til i dag då dei slo Nest-Sotra 2-1 på heimebane. Dermed ligg Florø tre poeng framfor Nest-Sotra før neste kamp.
PS! Førde klarte sin første siger på lange tider i dag heime mot Fyllingsdalen. Dermed har Førde framleis eit lite håp om å karre seg oppover frå sisteplassen på tabellen.