NRK Meny
Normal

Trass i nedgang i bransjen - startar oljeretta verksemd i Florø

Pilene peikar nedover i oljebransjen. Likevel har ei ny oljeretta verksemd sett dagens lys i Florø.

Øystein Barth-Heyerdahl

SATSAR I FLORØ: Dagleg leiar Øystein Barth-Heyerdahl i Helgeland V&M AS.

Foto: Morten Hofstad

Flora V&M AS heiter verksemda. Lokale verksemder og partnerar skal gjennom Flora V&M levere personell og ulike tenester til vedlikehald og modifikasjonsoppdrag for operatørar på norsk sokkel.

Det er lokale verksemder i Sogn og Fjordane som saman med Helgeland V&M AS i Nordland har gått saman om nyetableringa, som skal ha tilhald på Horne Brygge i Florø.

Nærare 28 prosent av olje- og gassproduksjonen på norsk sokkel skjer utanfor sogn og Fjordane, og etableringa av Flora V&M AS er difor ei strategisk viktig satsing, seier dagleg leiar Øystein Barth-Heyderdahl i V&M Helgeland AS.

Etablert i 2008

Helgeland V&M AS vart etablert i 2008 av lokale verksemder på Helgelandskysten. Det skjedde då Skarvfeltet utanfor Sandnessjøen vart utbygd. Der er det britiske selskapet BP operatør.

No disponerer Helgeland V&M AS over 500 personar, og i 2013 omsette selskapet for vel 102 millionar kroner.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.