– Eg tok til tårene ei stund i går kveld. Det er ikkje meir enn at eg klarer meg i dag. Men, det er vel terapi å gå ut og syne at vi står med rak rygg sjølv om vi har vore ute for ei slik tragisk ulukke, seier Sigbjørn Rivedal.
I går mista han ein av kollegaene sine då ein mann kapra Valdresekspressen ved Holsbru mellom Årdal og Tyin, og drap dei tre om bord. Bussjåføren i 50-åra, ei 19 år gamal jente og ein svensk statsborgar i 50-åra vart alle drepne med kniv i bussen.
- LES OGSÅ:
- LES OGSÅ:
61 år gamle Rivedal har køyrt buss for Valdresekspressen i over 20 år, sidan 1985.
Han er rørt over omtanken han og selskapet no får frå passasjerane.
– Nokre har vore her og tent lys for oss. Det skal dei ha takk for. Det er kjekt at passasjerane syner slik omtanke.
Har mista to kollegaer i busskapringar, kjenner seg likevel trygg
Med langs fartstid i selskapet er det ikkje første gong Rivedal opplever ei slik tragisk hending. Også i 2003 vart Valdressekspressen kapra av ein 26 år gamal utanlandsk mann. Då vart dei 34 passasjerane vitne til at mannen truga og stakk ned sjåføren.
VART DREPEN I BUSSEN: Bussjåføren og to passasjerar vart drepne i bussen ved Holsbur mellom Årdal og Tyin i går kveld.
Foto: Øyvind Bye Skille- LES OGSÅ:
– Det er så trist alt, det er ubeskriveleg for oss som tilsette. Vi er nøydde til å prøve å ta tak og syne at vi er dei vi er, og at vi er til å stole på.
Føler du deg trygg?
Rivedal dreg litt på svaret.
– Ja, eg kan ikkje seie anna enn ja, men vi har i bakhovudet at det kan skje igjen. Vi kan ikkje sitte å ruge og tenkjer på det, då må vi slutte å køyre buss i det heile. Det er ein farefull jobb vi har på dei vegane vi har. Det som har skjedd no vil ikkje skje oftare enn andre ulukker, seier den erfarne bussjåføren.