Frå i år er det opp til kommunane sjølve kor mykje dei vil løyve til Krisesenteret - og for 2011 har fleire kommunar redusert sine løyvingar.
- Dette kan ikkje halde fram, seier dagleg leiar Wenche Hovland ved Krisesenteret.
Krisesenteret fryktar no for drifta, etter at fleire kommunar har redusert løvingane sine - til dømes har Førde og Sogndal redusert desse med over 212.000 kroner til saman.
- LES OGSÅ:
- Synest det er frykteleg trist
Fram til i fjor kom løyvingane frå staten. No går dei inn i rammetilskotet til kommunane, og det er opp til kommunane kor mykje dei vil løyve til Krisesenteret.
- Konsekvensane kan i verste fall bli eit kutt til tilbodet til brukarane, meiner Hovland.
Ho legg til:
- Eg synest det er frykteleg trist. Vi har krav på dette ifølgje lova - alle menneske har krav på krisensentertilbod, seier ho.
(Artikkelen held fram under biletet)
Nokre må løyve meir - andre mindre
Medan krisesenteret har søkt om pengar etter talet på innbyggjarar, har fleire kommunar brukt ei anna fordeling, forklarar rådmann Ole John Østenstad i Førde.
- Vi legg opp til å bruke ein fordelingsnøkkel som samsvarer med den auken som kommunane har fått i rammetilskot frå staten, seier han.
- LES OGSÅ:
Ifølgje rådmannen vil det bety at nokre kommunar dermed må løyve meir enn tidlegare, medan andre kan løyve mindre.
- Det handlar jo alltid om pengar
For Krisesenteret betyr det at dei må håpe på auka løyvingar frå kommunane som enno ikkje har meldt sine løyvingar.
- LES OGSÅ:
- Alle veit om ansvaret sitt, og at det er lovpålagt. Men det handlar om pengar. Det er jo pengar det alltid handlar om, seier Hovland.