– Det riv i foten for kvart steg eg tek, seier Kjerpeset.
Friidrettsutøvaren frå Florø har ikkje delteke i konkurransar sidan byrjinga av juni, og har dei siste fire vekene berre trena på gras. Trass i dette er planen å springe på Bislett 2. august, undet eit norsk elitestemne.
– Viss eg får til å delta håpar eg å klare det ned mot «persen» min på 400 meter hekk. Både for å førebu meg, samt byggje opp sjølvtilitt fram mot EM, seier 22-åringen.
- LES OGSÅ:
På sparket
Kjerpeset hadde før sesongen ambisjonar om å ta medalje under EM i friidrett, og sjølv med skaden håpar han å prestere godt om han stiller til start.
– Ein reise ikkje til EM for å gjennomføre. Viss eg har ein fot som fungerer veit eg at eg vil prestere godt, seier hekkeløparen.
- LES OGSÅ:
22-åringen satsar alt på meisterskapen i Zurich, fordi foten mest sannsynleg ikkje toler mange løp. Før den tid må piggskoa, som ikkje har vore i bruk på fire veker, takast i bruk igjen.
– Eg må prøve å springe ein gong i piggsko før eg skal til Bislett, men det blir litt på sparket, seier Kjerpeset.
(Artikkelen held fram under biletet)
HÅPAR Å STARTE: Øyvind Kjerpeset håpar å vere på plass i startblokka når skotet går i finalen under EM i Zurich.
Foto: NRKHar berre trent på gras
Kjerpeset var på ein treningsleir i USA i mai då han fyrst oppdaga smertene i foten. Det viste seg å vere ein betennelse som skulle forsvinne raskt.
– Fyrst fekk eg beskjed om at det ikkje var alvorleg, og eg tok ei veke med treningsfri for å bli frisk. Men i etterkant har det vist seg at det nok var meir alvorleg enn eg fyrst trudde, seier han.
- LES OGSÅ:
Hekkeløparen har prøvd alle typar behandling og har trent på gras for å avlaste foten. Han fortel at det har vore vanskeleg å motivere seg til ni treningar i veka, når eit lite punkt under foten skal øydelegge for ein elles god form.
– Eg har lagt ned veldig mykje tid og arbeid i treninga og kroppen kjennest super. Men for å prestere på det nivået eg ønskjer må kroppen vere 100 prosent, seier 22-åringen.