– Det påverkar meg ikkje i det heile. Eg skal berre springe så fort som eg kan til mål, seier han til NRK.no tidleg søndag morgon.
– Eg likar litt press. Det gjer meg nervøs og då spring eg fortare, legg 21-åringen frå Florø til.
- LES OGSÅ:
Tidenes raskasta på 400 meter hekk i NM
21-åringen frå Florø har allereie levert varene under årets senior-NM i Tønsberg. I går suste kjempa inn til gull på 400 meter hekk med tida 50,38.
Det er det raskaste resultatet på distansen i eit NM nokon sinne, og med meisterskapsrekorden imponerte han mange.
– Dette er eit kjempeløp, sa dagleg leiar Narve Heggheim i Norsk Friidrett Sogn og Fjordane om prestasjonen i går.
- LES OGSÅ:
– Hadde meir inne
Sjølv hadde Kjerpeset håpa å springe hakket fortare.
– Eg er eigentleg veldig godt nøgd. Det var eit bra løp og ei god tid, men eg vart litt overraska. Eg hadde venta å springe litt fortare, seier han til NRK.no.
Han seier kroppen funkar veldig godt om dagen, og irriterer seg litt over at han ikkje fekk ut alle kjempekreftene.
– Eg hadde veldig lyst til å springe ei kjempegod tid i går, sidan eg sprang så fort sist helg. Men eg skal prøve igjen i Zurich i staden, seier han.
Løpet i går er hans sjette raskaste og det sjette løpet han leverer på rundt 50 sekund den siste tida. Håpet hans er å kome seg ned på 49-talet.
– Det trur eg absolutt er mogleg, men det er vanskeleg å levere eit slikt løp på bestilling, seier han og lovar å klinke til på Diamond League-stemnet i Zurich på torsdag.
- LES OGSÅ:
- LES OGSÅ:
(Artikkelen held fram under biletet)
Håpar å flytte persen igjen
Men før den tid er det 200 meter i NM. Forsøksheata startar klokka 10.30, medan finalen går 13.45. Der ventar mange at talentet frå Florø skal sikre seg sitt andre NM-gull på to dagar.
– Korleis kjennest kroppen no?
– No skal eg drikke litt kaffi, og så får vi sjå. I går følte eg at beina var veldig bra, og no når det ikkje er hekkar i vegen er det berre å springe så fort som eg kan.
– Eg er positiv og gler meg, seier han.
Sist helg sette han ny personleg rekord på distansen med tida 20,98. Om han greier å flytte sin eigen rekord på ny i dag er han ikkje heilt sikker på enno.
– Eg er spent på korleis kroppen reagerer på ein 400 meter hekk dagen før. Men eg håpar å springe på 20-talet, for eg føler eg ikkje har fått heilt ut potensialet mitt på 200 meter enno, seier han til NRK.no.
– Greier eg ned på 20-talet i dag så trur eg at eg er ein sterk kandidat for kongepokalen. Men med mot 21.00 vil også vere ei kjempetid, så eg får berre sjå korleis kroppen er.