Spørsmåla i quizen er ei lett blanding, der storparten av det er knytt til Sogn og Fjordane, kommunane i fylket og personar som har tilknyting til fjella og fjordane våre.
Finn fram penn og papir og du er klar. Noter ned den første bokstaven i svaret ditt, og alle bokstavane blir til dagens løysingsord. Det sender du inn i svarboksen som du finn nedst på denne sida.
Vi plukkar ut ein vinnar kvar dag. Den heldige får eit NRK-sekk med litt godis i posten. Av alle dei som sender inn rett svar i løpet av jula og romjula, plukkar vi ut ein vinnar som får ein DAB-radio.
Her er dagens quiz:
- Ei mor frå fylket har nådd ut til tusenvis med Facebook-innlegget der ho åtvarar mot å bruke Ibux for vasskoppar. Kvar i fylket kjem kvinna frå?
- To sunnfjordingar var med for Norge under EM i terrengløp tidlegare i desember. Marius Vedvik var den eine, men kven var den andre? Vi vil ha etternamnet.
- Påska i år fekk ein dramatisk slutt då det byrja brenne i Fjærlandstunnelen mellom Jølster og Fjærland. Veit du kven som opna tunnelen 31 år tidlegare? Vi vil ha etternamnet.
- Kva fylke skal Hornindal høyre til frå 2020?
- Florø fotball sin toppskårar er klar for Bodø/Glimt. Kva heiter seljeværingen til førenamn?
- Frå 2020 slår Sogndal, Balestrand og Leikanger seg saman. Kven er tilsett som rådmann i den nye storkommunen? Vi vil ha førenamnet.
- Ifølgje skattelistene for 2016, kven var den største skattytaren i Sogn og Fjordane med over sju millionar kroner i skatt? Vi vil ha førenamnet.
- Etter over 20 år vart eit gamalt landemerke på Værlandet sprengt i bakken i haust. Masta har vore del av eit navigasjonssystem som kan vere ein reserve for GPS. Kva heiter navigasjonssystemet?
- Då skulevegen rasa ut i november, kom elevane seg ikkje fram til skulen sin. Kva heiter skulen?
Fristen for å sende inn rett svar er ved midnatt same dag som quizen er lagt ut.
Om du ikkje får skjemaet til å fungere kan du sende løysingsordet saman med namn og adresse til konkurranse.sfj@nrk.no
Lykke til!
- Her finn du alle svara: Svar og vinnarar på julequizen