Saman med konditor Ole John Berntsen har Heidi Fagna og Camilla Tjønn Thingvoll laga marsipankonfekt, sjokoladekaramell, pistasjkonfekt og amerikansk julesnop.
Sjokoladekaramell
Oppskrifta gir omlag 40 karameller
- 90 g. mørk sjokolade, 70 %
- 210 g. sukker
- 210 g. glykose
- 30 g. saltet smør
- 3,3 dl. fløyte
Bland alt saman bortsett frå sjokoladen og kok opp til 116 ° C. Rør inn sjokoladen og hell massen i eldfast form med bakepapir. Sett til avkjøling i romtemperatur til dagen etter. Delast opp og oppbevarast i lufttett boks.
Høyr
Sjå
Marsipankonfekt med likør
- 200 gr. marsipan (60% mandler)
- 3 ss. likør
- 50 gr. melis
Vel ein likør ut frå kva smak du vil ha (til dømes grand marnier, cognac, rom elle creme cacao.) Elt saman alle ingrediensane slik at alt er godt blanda. Rull marsipanen ut til ei pølse og del opp ca. 15 bitar. Rull desse til kuler. Dekor med hasselnøtter, valnøtter eller mandler etter ønskje.
Marsipanbrød med sjokoladetrekk
- 200 gr. marsipan (60 % mandler)
- 200 gr. sjokolade, mørk (ca. 50 % kakaoinnhald)
Rull ut marsipan i ei lang pølse og del opp i passe bitar. Grovhakk sjokoladen og varm opp 2/3 til 45 grader. Vend inn resten av sjokoladen tilalt er smelta. (Sjokoladen skal vere ca. 32 grader).
Dypp marsipanbrøda i sjokoladen med ein gaffel og sett dei på eit fat med bakepapir til avkjøling. Dekorer med pistasjenøtter. Marsipanen skal stå til avkjøling i romtemperatur. Når sjokoladen er stivna er dei klar til servering. Oppbevarast i lufttett boks i romtemeratur.
Høyr:
Sjå:
Pistasjkonfekt
- 160 gr. fløyte
- 20 gr. melis
- 40 gr. pistasjråmasse *
- 1 stk. kanelstang
- 340 gr. grovhakket kvit sjokolade
- 75 gr. usaltet smør
- 100 gr. kakaopulver
* like deler sukker og pistasjnøtter køyrast til glatt masse i hurtigmikser.
Kok opp fløyte, melis, pistasjråmasse og kanelstang. Ta ut kanelstang etter oppkok og hell litt og litt av fløyten over sjokoladen medan du rører. Når all sjokoladen har smelta, blander du inn smøret og rører til du får ein glatt og smidig masse. Hell massen i form med bakepapir og sett til avkjøling.
Dekorering:
Del opp massen i passe bitar og vend i kakaopulver. Set på fat til servering, eller i lufttett boks til oppbervaring på kjøl.
Høyr:
Amerikansk julesnop - sjokoladefudge
- 3 egg
- 165 gr. sukker
- 195 gr. sjokolade 70 %
- 110 gr. smør
Bland alt saman i hurtigmiksaren til ein glatt og smidig masse. Tøm massen i langpanne med bakepapir og dryss over pistasjenøtter.
Steik på 160 grader i omlag 15 minutt. Avkjøl og del opp i bitar etter ønskje. Oppbevarast kjøleg i lufttett boks.
Høyr