NRK Meny
Normal

Internasjonal bronse for Fannemel

20-åringen Anders Fannemel frå Hornindal fekk sitt internasjonale gjennombrot som skihoppar i dag.

Anders Fannemel

STERK PRESTASJON: Anders Fannemel hoppar stadig betre.

Foto: Jon-Michael Josefsen / Scanpix

I dag presterte han eit kjempehopp i Almaty i Kasakhstan og kom på 3. plass. Han låg som nummer to etter 1. omgang.

Dette er hans første pallplass i karrieren i eit internasjonal renn. Han har imponert stort dei siste dagane med 7. og 4. plass under sommar-Grand Prix-renna i Japan.

Håper på fleire verdscuprenn

Det unge hopptalentet seier til skiforbundet.no at han stadig hoppar betre og at han har blitt meir stabil.

– Dette er utruleg moro. No berre nyt eg hoppinga, seier han.

Skihopparane håper at med slike gode resultat, så får han fleire moglegheiter i verdscupen til vinteren.

Får skryt

Sportssjef Clas Brede Bråthen seier Fannemel kan bli ein av verdas beste skihopparar.

– Han har jobba hardt dei siste åra og har det rette vinnarinstinktet. Dette ser ut til å bli ein spennande sesong, seier han.

Det var hopparane Jurij Tepes og Jure Sinkovec frå Slovenia som tok dei to første plassane. Tom Hilde enda på 10. plass.

Vegopning på Bergum i Førde kommune