NRK Meny
Normal

Ingen sure miner for hotell og gratis brus

Speidarane frå Kaupanger vart booka inn på hotell i Bergen, då det viste seg at flyet deira var bestilt til ein annan dag. Det var det ingen av dei som protesterte på.

speidertur

PÅ HOTELL: Denne gjengen frå Kaupanger blei berre glade då dei fekk hotellovernatting etter ein bookingfeil med flyet deira. Frå venstre: Tora Ørnes Tvedt, Hrafnhildur Sverrisdottir, Linn Hundershagen, Matthias Paetzel, Birthe Lerum Hjellaug, Emil Andre Grønsberg og Kristi Vedvik.

Foto: Privat

– Vi vart litt forvirra, for vi visste ikkje kva vi skulle gjere, seier Linn Hundershagen.

Reisefølget på 41 speidarar hadde køyrt 22 mil, frå Kaupanger til flyplassen i Bergen. Men der viste det seg at flyavgangen deira ikkje eksisterte. Medan speidarane frå Bergen måtte vende nasen heim igjen, fekk gjengen frå Kaupanger påspandert hotellovernatting.

– Det er berre kjekt

Turen skulle gå til Bodø og landstreff for speidarar. Reiseselskapet tok på seg all skuld for at flyet var blitt feil-booka, og ordna med overnatting under luksuriøse forhold for speidarane. Det synest speidarane var berre kjekt.

– Dette er ein veldig god måte å starte leiren på. Litt luksus og gode senger før vi skal bu i telt i ei veke, seier Hrafnhildur Sverrisdottir.

glade speidarar

PÅ TUR: I reisefølget er det 41 speidarar. Den yngste er 12 og, og den eldste er snart 70.

Foto: Privat

I tillegg fekk dei gratis brus og sjokolade som plaster på såret. Det hjelper når dei no må stå opp ekstra tidleg for å rekke den nye flyavgangen.

– Det blei ei veldig god løysing på problemet, så det går heilt fint å stå opp klokka seks i morgon tidleg, seier Birthe Lerum Hjellaug.

Speidarleiar, Matthias Paetzel, trur ikkje det blir noko problem å ha med denne gjengen å gjere på hotellet ei natt. Ifølge Paetzel er dei disiplinerte.

– Eg stolar på speidarane mine. Om vi seier dei skal legge seg klokka 23, så gjer dei det, seier han.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.