– Her er det tusen ballar i lufta, det er veldig travelt, og det skjer veldig mykje. Men det er sånn "positiv travelt", fortel hotelleigar Jorunn Åsfrid Røyrvik.
Ho kjøpte det brannherja hotellet i 2014 for tre millionar kroner, og saman med Røyrvik eigedom eig ho femti prosent av hotellet. Hopstock hotell fekk omfattande skadar i brannen i 2010.
- LES OGSÅ:
- LES OGSÅ:
– Bygda treng hotellet
– Det har vore etterspurt å få bygt opp att hotellet. Vik treng eit hotell på mange måtar. Men no byggjer vi på alvor.
I førre veke vedtok Vik kommunestyre å løyve 1,7 millionar kroner til oppattbygginga. Dermed er fullfinansiering for eigarane i boks.
– Vi er veldig takksame for tilskotet. Hotellet har ein viktig funksjon. Det merkar vi på at vi får mykje støtte i bygda, folk set stor pris på det.
– Det er viktig og utløysande å få få finansieringa på plass. Det er slike ting som tar tid, men det har heldigvis gått greitt.
- LES OGSÅ:
- LES OGSÅ:
Tett tak
Det er mykje arbeid som står att sjølv om taket endeleg vart lagt i førre veke.
– Bygget har stått i fire og eit halvt år med mykje skadar etter brannen. I tillegg har hotellet blitt herja med av både vêr og vind i perioden. Så det er mykje som skal gjerast.
Etter at takstolar var på plass kunne eigarane markere det med tradisjonelt kranselag.
– Men vi åt kransekake, ler Røyrvik.
No som bygget er i ferd med å ta form att er det mange som lurer på korleis hotellet vil sjå ut. Både innvendig og utvendig.
– Det kjem til å skje mykje byggmessig i 2015. Ein del av bygget kan restaurerast, men det har fått mykje skadar så mesteparten er nybygt. Det er eit stort prosjekt.
Opningsdato ikkje klar
– Ein vil kjenne seg att inni bygget, men det vil bli sjåande litt annleis ut. Men resepsjonen og spisesalen vil i hovudsak vere der dei er no.
– Eg har tenkt på stilen innvendig. Det blir 2015-stil for å seie det slik. Men det blir også litt blanding.
Røyrvik vil førebels halde korta tett til brystet, og ikkje røpe for mykje.
– Vi torer ikkje å kome med opningsdato enno, seier Røyrvik.
Ho legg ikkje skjul på at ho er spent på kor raskt ting vil skje framover, og at det framleis er avklaringar å gjere med entreprenørar.