- Eg vakna av at brannalarmen gjekk, og så var det full fart med å få evakuert alle gjester. Brannen hadde ei eksplosjonsarta utvikling, seier Carl André Riiber.
Politiet fekk i tretida i natt melding om .
- SJÅ VIDEO:
Store mannskap frå brannvesen og ambulanse var raskt på staden, men ifølgje augevitne var brannen enno ikkje sløkt ved sjutida fredag morgon.
Hotellet hadde fullt belegg
- Dette er ein hotelldirektør sitt største mareritt, konstaterer Carl André Riiber.
Ifølgje hotelldirektøren starta brannen på utsida, før flammane tok tak i ein takkonstruksjon. Hotellet var raskt overtent.
Hotellet hadde fullt hus - alle dei 62 romma var opptekne. Det var ein større konferanse ved hotellet, og i helga er det Gamalostfestival i Vik i Sogn.
- Vi samla alle saman utanfor, og talde opp at alle hadde komme trygt ut, fortel Riiber.
Artikkelen held fram under biletet
I FULL FYR: Hopstock Hotell i Vik tok til å brenne natt til fredag. Hotellet var då fullbooka for heile helga.
Foto: Kjell BrekkeDyster stemning ved hotellet
Medan brannsløkkinga framleis pågår, er Riiber mest oppteken av at gjestene hans skal få forpleining på best moglege måte.
- No er fokus på gjestene, understrekar han.
Brannen ved Hopstock Hotell vil nok prege bygda ved Sognefjorden utover dagen.
- Det er dyster stemning ved hotellet no. Det er fullt av brannbilar, ambulanse og hjelpemannskap, seier Kjell Brekke.
Mykje av hotellet er øydelagd
Brekke var augevitne til brannen i natt, etter at han vakna av helikopter over husa ved tretida.
- Sjølv om det ikkje brann i første- og andreetasje, kan eg tenkje meg at alle rom er øydelagde av vasskader, seier han.
Det skal ikkje vere fare for at brannen skal spreie seg til andre bygningar. Saka blir vidare etterforska.