I juli i fjor stod paret frå Stavanger i hotellhagen til Skjolden Hotel. Då var det gjort.
Det var nemleg ikkje oljekrisa som fekk Aslak og Siri Dalehaug til å flytte frå storbylivet i Stavanger til vesle Skjolden inst i Lustrafjorden.
– Vi såg på hotellet, og vi såg på kvarandre og tenkte at no hadde vi moglegheita til å realisere draumen vår, fortel Aslak.
- Les også:
- Les også:
1. oktober var hotellnøkkelen i deira hender, og saman med to born tok dei fatt på livet som hotelleigarar. No er dei i full gang med oppussing før dei første gjestane kan flytte inn i mai.
– Det bar preg av å vere litt slitent, men hadde sin sjarm. Det at vi pussar opp, handlar òg om kva vi ønskjer å identifisere oss med, fortel Siri.
- Les også:
Vaks opp i Luster
Begge to har vore i restaurant- og hotellbransjen i Stavanger i mange år og trur det vil hjelpe dei godt på veg. Dei ønskjer å gjere hotellet litt meir eksklusivt og satsar ikkje på å ta imot store busslass med turistar, sjølv om alle er velkomne, understrekar dei.
Aslak er opphavleg frå Luster og budde her til han var 12 år. I Stavanger står han bak fleire topprestaurantar, men har no selt seg ut av desse.
No ønskjer dei å setje Skjolden på kartet og vere med på å bidra til å gjere plassen til eit attraktivt reisemål.
Matoppleving i fokus
Fantastisk plassering er ikkje alt, meiner paret, og fortel at kjøkkenet naturleg vil ha ei sentral rolle der lokale råvarer vert inkludert.
– Turar på fjord og fjell er noko vi skal halde på med, men for å løfte oss til eit nivå som vi vil trivast med og som gjestane vil vere nysgjerrige på, så er vi opptekne av å satse på matopplevinga, fortel Aslak.
Eit samarbeid med ein bonde i bygda har gjort at hotellet vil ha eigne dyr og eigne grønnsaker tilgjengelege.
– Vi ønskjer at sjølve matfilosofien saman med plasseringa, vil gjere at Skjolden hotel blir verdt ei reise, seier dei.
Eige bryggeri
I tillegg har dei eit mål om å starte både mikrobryggeri og brenneri, slik at dei kan servere både eigenprodusert øl og whisky.
Og i den store hotellhagen som strekker seg frå hotellverandaen og ned til fjorden, skal ein ikkje sjå vekk frå at det dukkar opp ein og annan konsert.
– Vi har eit slags perspektiv på fem år på den totale opplevinga og då inngår alt dette i planen, seier Aslak.