– Bilen har stått parkert der sidan førre tysdag, og på fredag merka ein som jobbar her at det var kome eit reir på taket til ein av bilane våre, seier Arne Eithun, seksjonsleiar for kommunikasjonsstaben i Statens vegvesen.
På Facebook-sida si skriv Statens vegvesen region vest at dei er plaga med hekkande måsar i mai, men aldri før har måsen tatt seg til rette på denne måten.
Heldigvis hadde ikkje måsen lagt egg enno, så då fekk dei flytta reiret til eit meir passande område i nærleiken.
– Vi har bruk for bilen, så derfor måtte vi flytta måsen, seier Eithun.
