Innbyggarane i Gulen skal få stadig meir av helsetenestene sine på sjukehusa Haraldsplass og Haukeland i Bergen. Også ambulansestasjonen på Dalsøyra skal etter kvart innunder Helse Bergen.
– Det handlar om å ha avklart ting for alle dei involverte, seier administrerande direktør i Helse Førde, Jon Bolstad.
– Ei betre løysing
Han er trygg på at ei slik løysing vil gjere det enklare både for fastlegane og pasientane i kommunen.
– På nokre område så kan det vere naturleg å reise til Førde med tanke på tilbod og ventetid, men dette skal vi avtale i eit samarbeid med Helse Bergen, seier Bolstad.
- Les også:
Han understrekar at også kommunane er med i drøftingane. Bolstad håpar ei avtale kan vere på plass i løpet av året.
– Eg håpar definitivt å ha avtalen på plass i år. Kanskje kan ei avtale vere klar for styrevedtak allereie til sommaren, seier Bolstad.