Med 1-1 har Sogndal opna 2009 med seks strake treningskampar utan tap.
Start tok leiinga
For heller ikkje eliteserielaget Start makta å slå laget frå fruktbygda då dei møttes til dyst i Spania. Geir Ludvig Fevang gav sørlendingane leiinga fire minutt før pause på straffespark.
Før scoringa var både Barry Kader og Henrik Furebotn nær ved å score. Men Sogndal måtte vente til 16 minutt etter kvilen før scoringa kom.
Flo scora
I pausen kom Ulrik Flo inn for Espen Olsen. Stryningen vart mannen som fekk æra av å utlikne då han ekspederte eit innlegg frå kaptein Rune Bolseth.
I følgje rapportane var uavgjort eit greitt resultat, sjølv om Start hadde fleire store sjansar i sluttminutta.
Med det har Sogndal møtt to eliteserielag, både Start og Molde, utan å tape.
5. april opnar Sogndal serien med heimekamp mot Hønefoss.
