– Det er ikkje utenkeleg med 100 millimeter regn i løpet av det neste døgnet, seier Heidi Stranden, vakthavande hydrolog ved flaumvarslinga i NVE.
Ho seier at ein kan vente seg både overfløyming og skred fleire plassar på Vestlandet.
– Når det kjem så mykje regn er ikkje det utenkeleg, nei.
Allereie fulle vassdrag
– Vestlandet har hatt ein våt sommar. Det er allereie høg vassføring i fleire av vassdraga, så at vatnet går ut over elvebreddene er truleg.
- Les også:
NVE oppmodar folk til å oppdatere seg på nettstaden varsom.no
OBS-varsel
Vassføringa er førebels meldt til å ligge på gult nivå, det lågaste av dei tre varslingsnivåa.
– Det er venta mykje nedbør eigentleg over heile Vestlandet. Det er meldt mykje regn i både Rogaland, Sogn og Fjordane og Hordaland.
Sundag føremiddag sendte meteorologisk institutt også ut OBS-varsel for Hordaland, Sogn og Fjordane og Rogaland.
I Sogn og Fjordane er det venta mellom 50 og 100 millimeter regn i løpet av 36 timar. Minst er det venta i indre strok.
I Hordaland er natt til måndag og tysdag venta mellom 70 og 100 millimeter. Våtast ligg det an til å bli i Rogaland der det er venta mellom 70 og 110 millimeter.