Måndag ettermiddag vart det klart at eliteserielaget frå Sogn møter 3. divisjonslaget Fyllingen til andre runde i cupen.
Aabrekk seier dei skal ta Fyllingen på alvor, men har stor tru på siger.
- Det er viktig for oss å vere med vidare i cupen, og eg trur og håpar vi skal klare å slå Fyllingen, seier Sogndal-trenaren til NRK.no.
Kanskje ikkje like lett vidare til tredje runde?
Etter 6-2 siger mot det nyopprykte 3. divisjonslaget Saga søndag, gjekk Sogndal lett vidare i cupen.
- LES OGSÅ:
Mange vil nok seie at dei får minst like lett motstand når dei møter Fyllingen på bortebane i andre runde.
Men Fyllingen er samtidig eit lag som før har vist at dei kan klare det mange aldri hadde trudd.
(Artikkelen held fram under biletet)
CUP_BOMBE: Slik såg det ut då Fyllingen slo ut Brann i NM-cupen i fjor.
Fyllingen stod for cup-bombe i fjor
19. mai i fjor slo det ned ei cup-bombe på Varden stadion då Fyllingen slo eliteserielaget Brann 1-0.
Etter 54 minutt spel klinka Fyllingen ballen i mål bak Brann-keeperen til stor skuffelse for både spelarar og lagleiinga på Brann.
- LES OGSÅ:
Harald Aabrekk har liten tru på at det same skal skje då Fyllingen møter nok eit eliteserielag i år.
- Vi let oss ikkje skremme av det som skjedde i fjor. Det er likevel viktig at vi tek laget på alvor, seier Aabrekk.
- Vi skal vinne
Fyllingen har også vist musklar i årets NM-cup, då dei i første runde slo ut 2. divisjonlaget Førde.
- At Fyllingen har teke seg vidare i cupen etter siger mot eit 2. divisjonlag viser at dei er eit godt 3.divisjonslag, seier Aabrekk.
Sogndal-trenaren seier laget no skal førebu seg godt framfor kampen som går på Varden stadion 12. mai.
- Eg håpar på siger. Kor vidt det blir med eitt eller to mål har ikkje mykje å seie. Det viktigaste er at vi vinn kampen og går vidare til neste runde, seier Aabrekk.
Tredjedivisjonslaget på heimebane i andre runde av cupen.
