Naturoppsynsmann Are Rognes fortvilar over at turistane ikkje tek åtvaringane på alvor. Han trur flokkmentalitet og manglande kunnskap gjer at enkelte framleis satsar livet livet i jakta etter gode motiv og nærkontakt med breen.
– Mange vil berre ta på isen, men dei skjønar ikkje kva fare dei utsett seg sjølve for. Er det nokon som går forbi er det gjerne fleire som følgjer etter, seier han.
FORTVILAR: Naturoppsynsmann Are Rognes må ofte jage vekk ivrige turistar.
Foto: Vidar Gudvangen / NRK- Les også:
Tysdag var han på plass for å sette opp ekstra kjettingar til dei allereie forsterka sperringane.
– Vi prøver å gjere det endå meir tydeleg at det her er eit gjerde som vi ikkje vil at folk skal ta seg forbi. Vi håpar det kan hjelpe litt.
I fjor omkom eit tysk ektepar då dei gjekk heilt inn til brefronten og fekk ismassar over seg. I år var håpet var at dei nye internasjonale skilta og sperringane skulle få folk til å skjøne faren.
Men dei nybygde vardane tett inntil breen tyder på at bodskapen ikkje har nådd fram hos alle.
– Ein blir jo litt skuffa, seier Rognes.
Naturoppsynet samarbeider med breførarlaget om å halde dagleg oppsyn med sperringane.
