Lærdalstunnelen blir opna av kongen den 27. november, men kravet om å utbetre den dårlege vegstrekninga ved Seltunåsen har for lengst kome. Mange fryktar at trafikk-kork ved denne flaskehalsen når stadig fleire bilistar tek til å bruke E16 gjennom Lærdalen.
I Nasjonal transportplan tek regjeringa sikte på å gjere noko med problemet. I fireårsperioden 2002-2005 har dei prioritert omlegging av den dårlegaste strekninga mellom Lærdal og Borgund. Det omfattar bygging av to tunnelar på til saman 4,5 kilometer og ei ny bru over Lærdalselva.
Vegen vil bli lagt utanom mange av dei verdifulle kulturminna på strekninga og vil totalt gje ei innkorting på fem kilometer. Det er også lagt opp til å utbetre strekninga mellom Steinklepp og Borlaug i planperioden 2002-2011.