Dei representerer to heilt ulike næringar, Leiv Gunnar Klausen og Einar Magne Hillersøy. Men dei har til felles at dei har gjort det godt.
I Holmedal blir Klausen Mek Verkstad styrt med stødig hand av Klausen, medan Hillersøy er fiskar og investor frå Bulandet.
Dei to tronar øvst på formuestoppen i kommunen. Klausen øvst med sine 29,5 millionar kroner. Hillersøy følgjer på neste plass med millionen mindre.
Vi gjer merksame på at listene er basert på førebelse skattetal frå Skattedirektoratet. Tala kan innehalde feil som vil bli retta når klagehandsaminga er ferdig.