Formua til forretningsmannen er 14 gonger større enn neste mann på formuetoppen i Jølster. Ivar Helgheim står oppført med ei inntekt på 3,3 millionar kroner, men betalte nær tre gonger så mykje i skatt.
Helgheim vart på 70-talet tilsett som laboratorielege hos Dr. Fürst Medisinske Laboratorium i Oslo. Etter ei tid vart jølstringen eineigar av laboratoriet som analyserer prøvar frå legar og sjukehus frå heile landet. I 2011 flytta han heim att til Jølster.
Over Årdal og Frode Årdal følgjer på dei neste plassane, med høvesvis 48 og 10,6 millionar kroner.
Vi gjer merksame på at listene er basert på førebelse skattetal frå Skattedirektoratet. Tala kan innehalde feil som vil bli retta når klagehandsaminga er ferdig.